Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 53-1} vaṟaṉ uṟal aṟiyāta vaḻai amai naṟum cāral
• {KALI 53-2} viṟal malai viyal aṟai vīḻ piṭi uḻaiyatu ā
• {KALI 53-3} maṟam miku vēḻam taṉ māṟu koḷ maintiṉāṉ
• {KALI 53-4} pukar nutal puṇ ceyta puy kōṭu pōla
• {KALI 53-5} uyar mukai naṟum kāntaḷ nāḷ tōṟum putitu īṉa
• {KALI 53-6} ayam nanti aṇipeṟa aruvi ārttu iḻitarum
• {KALI 53-7} paya maḻai talaiiya pāṭu cāl viṟal veṟpa
• {KALI 53-8} maṟaiyiṉiṉ maṇantu āṅku ē maruvu aṟa tuṟanta piṉ
• {KALI 53-9} iṟai vaḷai nekiḻpu ōṭa ēṟpa um ollum maṉ
• {KALI 53-10} ayal alar tūṟṟaliṉ āy nalaṉ iḻanta kaṇ
• {KALI 53-11} kayal umiḻ nīr pōla kaṇ paṉi kaluḻā kāl
• {KALI 53-12} iṉiya ceytu akaṉṟu nī iṉṉātu ā tuṟattaliṉ
• {KALI 53-13} paṉi ivaḷ paṭar eṉa paravāmai ollum maṉ
• {KALI 53-14} ūr alar tūṟṟaliṉ oḷi ōṭi naṟu nutal
• {KALI 53-15} pīr alar aṇi koṇṭu piṟai vaṉappu iḻavā kāl
• {KALI 53-16} añcal eṉṟu akaṉṟu nī aruḷātu tuṟattaliṉ
• {KALI 53-17} neñcu aḻi tuyar aṭa niṟuppa um iyaiyum maṉ
• {KALI 53-18} naṉaviṉāl nalam vāṭa nalitanta naṭuṅku añar
• {KALI 53-19} kaṉaviṉāl aḻivuṟṟu kaṅkul um araṟṟā kāl
• {KALI 53-20} eṉa āṅku
• {KALI 53-21} viḷiyā nōy uḻantu āṉā eṉ tōḻi niṉ malai
• {KALI 53-22} muḷivuṟa varuntiya muḷai mutir ciṟu tiṉai
• {KALI 53-23} taḷi peṟa takaipeṟṟāṅku niṉ
• {KALI 53-24} aḷi peṟa nantum ivaḷ āy nutal kaviṉ ē